भारतरत्न लता मंगेशकर यांचा जन्मदिन 

२८ सप्टेंबर १९२९ रोजी इंदौर येथे जन्मलेल्या लता मंगेशकर या भारतीय संगीतविश्वातील "गाण कोकीळा" म्हणून जगभर प्रसिद्ध आहेत. त्यांच्या स्वरांनी केवळ भारतालाच नव्हे तर संपूर्ण जगाला मंत्रमुग्ध केले. सहा दशकांहून अधिक काळ त्यांनी हिंदी, मराठीसह अनेक भाषांमध्ये हजारो गाणी गायली आणि आपल्या गायनाने प्रेक्षकांची मने जिंकली.

लता दीदींच्या आवाजात भाव, माधुर्य आणि शुद्धता होती. त्यामुळेच त्यांच्या गाण्यांनी श्रोत्यांच्या मनात वेगळे स्थान निर्माण केले. त्यांनी विविध संगीतकारांसोबत काम करताना रोमँटिक, भक्तिगीते, लोरी, देशभक्तिपर गीत, भावगीत अशा सर्व प्रकारच्या गाण्यांना आपला आवाज दिला.

त्यांच्या योगदानाची दखल घेत भारत सरकारने त्यांना भारताचा सर्वोच्च नागरी सन्मान 'भारतरत्न', तसेच दादासाहेब फाळके पुरस्कार प्रदान केला. ‘ऐ मेरे वतन के लोगों’ सारखी त्यांची गीते आजही देशभक्तीची भावना जागवतात.

लता मंगेशकर या केवळ गायिका नव्हत्या, तर त्या भारतीय संस्कृतीचे अमूल्य द्योतक होत्या. त्यांचा जन्मदिन म्हणजे संगीत आणि संस्कृतीला वंदन करण्याचा दिवस आहे.

 आजच्या या पावन दिनी आपण सर्वजण या सुरांच्या देवीला अभिवादन करूया आणि त्यांच्या स्वरांचा अमृतरस पुढील पिढ्यांपर्यंत पोहोचवत राहूया.