गुढीपाडव्याला काय खरेदी करावे आणि काय घेणे टाळावे ?

गुढीपाडवा हा हिंदू नववर्षाचा पहिला दिवस असतो.  गुढीपाडवा हा साडेतीन मुहूर्तांपैकी एक मुहूर्त आहे. त्यामुळे या दिवशी चांगल्या कामाची सुरुवात केली जाते. सकारात्मकता वाढवणारा हा दिवस आहे. गुढीपाडव्याच्या दिवशी नवीन वस्तू खरेदी केली जाते. गुढीपाडव्याला कोणत्या वस्तू खरेदी कराव्यात आणि काय खरेदी करु नये हे आपण बघुयात .. 
गुढीपाडव्याचा दिवस खूप महत्त्वाचा आहे. या दिवशी तुम्ही पुढील वस्तू खरेदी करु शकता.

सोने-चांदी - गुढीपाडवा हा सोने - चांदी खरेदीसाठी चांगला दिवस आहे. या दिवशी तुम्हाला सोन्याचे दागिने खरेदी करता आले नाहीत तरी काही ग्रॅम सोनं तुम्ही खरेदी करु शकता. या दिवशी सोन्या - चांदीच्या दागिन्यांची खरेदी केल्याने घरात सुख -समृद्धी येते, असे मानले जाते.

गाडी किंवा घर - गुढीपाडव्याला अनेक जण नवीन गाडी खरेदी करतात. काही जण या दिवशी नवीन घर खरेदी करतात. वाहन आणि गृह खरेदीसाठी गुढीपाडवा हा चांगला दिवस आहे.

गोड पदार्थ - प्रत्येक सणाला गोड पदार्थ तयार करण्याची आपल्याकडे पद्धत आहे. सणाच्या निमित्ताने एकमेकांना गोड पदार्थ दिले जातात. या दिवशी गोड पदार्थांचीही खरेदी केली जाते.

या गोष्टींची खरेदी करणे टाळा ... 

वापरलेल्या वस्तू आणि कपडे -

गुढीपाडव्याला सेकंड हँड वस्तूंची खरेदी करु नये. दुसऱ्याचे जुने कपडे, जुन्या वस्तू यादिवशी खरेदी करणे अशुभ मानले जाते. यामुळे घरात नकारात्मक ऊर्जा येऊ शकते.

लोखंडी वस्तू – गुढीपाडव्याच्या दिवशी लोखंडी वस्तू खरेदी करणे टाळावे. लोखंडाचा संबंध नकारात्मकतेशी जोडला जातो. त्यामुळे या दिवशी लोखंडी वस्तू खरेदी केल्या जात नाहीत.

उधारीचे सामान – गुढीपाडव्याच्या दिवशी उधारीवर कोणतीही वस्तू खरेदी करु नये. त्यामुळे आर्थिक तणाव निर्माण होण्याची शक्यता असते.
धान्य - गुढीपाडव्याला अनेक जण धान्य खरेदी करतात. तांदूळ, गहू आणि इतर धान्यांची खरेदी यादिवशी केली जाते. या दिवशी नवीन धान्य खरेदी केल्यामुळे घरात समृद्धी टिकून राहते, असे मानतात.

भांडी आणि इतर वस्तू - घरातल्या रोजच्या वापरातल्या वस्तू गुढीपाडव्याला खरेदी कराव्यात. रोज लागणारी भांडी, दुरूस्तीसाठीचे टूल्स इत्यादी वस्तूदेखील या दिवशी खरेदी करणे शुभ मानले जाते.