100 टक्के चार्ज केल्याने काय होतं? जाणून घ्या
तुम्ही देखील फोन 100 टक्के चार्ज करतात का? असं असेल तर ही बातमी काळजीपूर्वक वाचा. कारण, अनेक लोक फोनची थोडी देखील चार्जिंग कमी झाली की लगेच स्मार्टफोन चार्ज करतात. पण, असं करणं घातक ठरू शकतं. कारण, 100 टक्के म्हणजे फुल फोन चार्ज केल्याने मोठा धोका होण्याची शक्यता नाकारता येत नाही. चला तर मग याविषयी पुढे जाणून घेऊया.
तुम्ही स्मार्टफोन दिवसभर वापरला की घरी आल्यावर चार्जिंगला लावत असाल. हे अनेकजण करतात. पण, तुम्हाला माहिती आहे का की, कधीही फोन फुल म्हणजे 100 टक्के चार्ज करू नये. कारण, यामुळे धोका होण्याची शक्यता किंवा नुकसान होण्याची शक्यता असते. आता तुम्ही म्हणाल नेमकं काय होतं? तर याचविषयीची माहिती आम्ही तुम्हाला सांगणार आहोत. चला तर मग जाणून घेऊया.
स्मार्टफोनशिवाय काम होऊच शकत नाही, अनेक ठिकाणी असं चित्र आहे. तर बहुतेक युजर्स दिवसभर आपल्या फोनमध्ये गुंतलेले असतात. यामुळेच फोन चार्ज करणे देखील आपल्या जीवनातील अत्यावश्यक कामांमध्ये समाविष्ट झाले आहे.
फोन चार्ज करताना बरेच लोक एक नॉर्मल चूक करतात की ते प्रत्येक वेळी आपला फोन 100 टक्क्यांपर्यंत चार्ज करतात. या सवयीमुळे फोनची बॅटरी तर खराब होतेच, शिवाय त्याचे लाईफही कमी होऊ शकते.
बॅटरी तंत्रज्ञान विशेषत: लिथियम-आयन बॅटरी जेव्हा चार्जिंगची पातळी 20 टक्के ते 80 टक्क्यांदरम्यान असेल तेव्हाच अशा स्थितीत राहण्यासाठी डिझाइन केली गेली आहे. जेव्हा तुम्ही बॅटरी 100 टक्के वारंवार चार्ज करता, तेव्हा ती अतिरिक्त दाबसहन करते, ज्यामुळे हळूहळू त्याची क्षमता आणि लाईफ कमी होते.
डिस्चार्जनंतर चार्जिंग चांगलं नाही
प्रत्येक वेळी फोन पूर्णपणे डिस्चार्ज करणे आणि नंतर फुल चार्ज करणे देखील एक जुनी पद्धत आहे आणि बॅटरी उत्तम परफॉर्मन्स देईल, असं अनेकांना वाटते. मात्र, ही पद्धत आजच्या बॅटरी तंत्रज्ञानाला लागू होत नाही. अपडेट बॅटरी पूर्णपणे चार्ज करून वारंवार डिस्चार्ज करण्याची आवश्यकता नसते, परंतु असे केल्याने बॅटरीच्या कार्यक्षमतेवर परिणाम होऊ शकतो
तुम्हाला तुमच्या फोनची बॅटरी दीर्घकाळ टिकाऊ आणि निरोगी ठेवायची असेल तर काही सोप्या स्टेप्सचा अवलंब करा. बॅटरी 20 टक्क्यांपर्यंत पोहोचली तरच चार्ज करा आणि 80 ते 85 टक्क्यांपर्यंत पोहोचल्यावर चार्जर काढा.रात्रभर चार्जिंग करणे टाळा, कारण यामुळे फोन बराच काळ फुल चार्ज अवस्थेत राहील, जे बॅटरीच्या आरोग्यासाठी चांगले नाही.

ऑप्टिमाइज्ड चार्जिंगसारखे फीचर्स वापरा
अनेक स्मार्टफोनमध्ये आता बॅटरी सुरक्षित ठेवण्यास मदत करणारी फीचर्स दिले जात आहेत. ऑप्टिमाइझ्ड चार्जिंग. हे फीचर्स बॅटरी हळूहळू चार्ज करतात आणि गरजेनुसार 100 टक्क्यांपर्यंत घेतात. बऱ्याच फोनमध्ये युजर्स स्वत: ठरवू शकतात की त्यांना किती टक्के बॅटरी चार्ज करायची आहे, त्यांचे फीचर वापरणे देखील एक चांगला पर्याय आहे.