आजच करून पाहा या 2 स्वादिष्ट आणि पौष्टिक मखान्याच्या भाजी रेसिपी!

मखाना (फॉक्स नट्स) फक्त हेल्दी स्नॅक नाही, तर त्यातून चवदार आणि पौष्टिक भाजीपण बनवता येते. कॅल्शियम, फॉस्फरस, फायबर आणि मॅग्नेशियम, पोटॅशियम, आयर्न यांसारख्या महत्वाच्या खनिजांनी भरलेला मखाना हाडांची ताकद वाढवण्यास मदत करतो आणि कमी कॅलरीमुळे वजन कमी करण्यासाठीही उपयुक्त ठरतो.

बहुतेक लोक मखाना भाजून खातात किंवा दुधात मिसळून घेतात, पण आता काही वेगळं करून पाहूया! खाली दिलेल्या दोन मखान्याच्या भाज्या भाकरी किंवा भातासोबत मस्त लागतात.

1. क्रीमी मखाना-काजू करी
साहित्य:
१ कप मखाना

१ टेबलस्पून तूप

५–६ भाजलेले काजू

१ टेबलस्पून भोपळ्याच्या बिया

२ टेबलस्पून दूध

१ टीस्पून जिरे

१–२ सुक्या लाल मिरच्या

½ टीस्पून हळद

½ टीस्पून लाल तिखट

चवीनुसार मीठ

१ टीस्पून धणे पूड

½ टीस्पून गरम मसाला

ऐच्छिक: १ टीस्पून साखर

आवश्यकतेनुसार पाणी

कृती:
एका पॅनमध्ये १ टीस्पून तूप गरम करून मखाना कुरकुरीत होईपर्यंत भाजा आणि बाजूला ठेवा.

मिक्सरमध्ये काजू, भोपळ्याच्या बिया आणि दूध एकत्र करून पेस्ट तयार करा.

दुसऱ्या पॅनमध्ये तूप गरम करून त्यात जिरे व सुक्या मिरच्या टाका.

नंतर हळद, तिखट, मीठ, धणे पूड व गरम मसाला टाकून परतून घ्या.

त्यात तयार पेस्ट टाकून सतत ढवळत शिजवा. गरज भासल्यास पाणी किंवा दूध घालून consistency आणा.

ऐच्छिक साखर घालावी.

शेवटी भाजलेले मखाने व काजू टाकून २–३ मिनिटे शिजवून गरमागरम सर्व्ह करा.

2. मखाना-पनीर-मटार करी
साहित्य:
५–६ लसूण पाकळ्या

१ इंच आल्याचा तुकडा

४–५ मिरी

३ लवंगा

४ हिरवी वेलची

२ हिरव्या मिरच्या

१२–१५ काजू

१ कांदा (चिरून)

२ टोमॅटो (चिरून)

चवीनुसार मीठ, हळद, तिखट

१ कप पाणी (ग्रेवीसाठी)

१ टेबलस्पून तेल/तूप

½ टीस्पून जिरे

½ टीस्पून हिंग

१ तमालपत्र

½ टीस्पून काश्मिरी तिखट

१ टीस्पून धणे-जिरे पूड

½ कप पनीर क्यूब्स

½ कप उकडलेले मटार

१ कप भाजलेला मखाना

१ टीस्पून कसुरी मेथी

चिरलेली कोथिंबीर

कृती:
एका पॅनमध्ये लसूण, आले, खडे मसाले, मिरच्या, काजू, कांदा, टोमॅटो, मीठ, हळद व पाणी घालून टोमॅटो मऊ होईपर्यंत उकळा.

हे मिश्रण थंड करून मिक्सरमध्ये पेस्ट तयार करा.

दुसऱ्या पॅनमध्ये तेल/तूप गरम करून त्यात जिरे, हिंग, तमालपत्र, काश्मिरी तिखट व धणे-जिरे पूड टाकून परता.

तयार पेस्ट टाका आणि गरज असल्यास थोडं पाणी घालून शिजवा.

नंतर पनीर, मटार, भाजलेला मखाना, कसुरी मेथी आणि कोथिंबीर घालून २–३ मिनिटे शिजवा.

गरमागरम भात किंवा फुलक्यांसोबत सर्व्ह करा.

 DISCLAIMER (अस्वीकरण):
वरील रेसिपी आरोग्यासाठी लाभदायक असल्या तरी कोणताही आहार किंवा घटक आपल्या वैयक्तिक आरोग्य स्थितीनुसार बदलू शकतो. कोणत्याही अॅलर्जी, आजार किंवा विशेष आहाराच्या गरजा असल्यास कृपया आपल्या आहारतज्ज्ञांचा किंवा डॉक्टरांचा सल्ला घ्या. या रेसिपी केवळ सामान्य माहिती आणि चव अनुभवण्यासाठी दिल्या आहेत.