बुधवार, १ ऑक्टोबर २०२५. अश्विन शुक्ल नवमी. विश्वावसुनाम संवत्सर. शके १९४७, संवत २०८१. राशिभविष्य - ज्योतिषी मंगेश पंचाक्षरी, नाशिक. (संपर्क - 8087520521)

राहुकाळ - दुपारी १२.०० ते दुपारी १.३० 

"आज चांगला दिवस आहे"   

नक्षत्र -पू.षा/ (आज सकाळी ८.०६ नंतर) उ. षा. आज जन्मलेल्या बाळाची राशी - धनु/ (दुपारी २.२७ नंतर) मकर (अतिगंड योग शांती)

१ ऑक्टोबर रोजी जन्मलेल्या व्यक्तींची वैशिष्ट्ये:-

     तुमच्यावर रवी आणि शुक्र या ग्रहांचा प्रभाव आहे. तुमच्या वृत्ती स्वतंत्र असून तुम्ही एकाच गोष्टीत फार काळ रमत नाहीत. सतत बदल करण्याकडे तुमचा ओढा असतो. आपला आयुष्यात काहीतरी सणसणाटी असावे असे तुम्हाला नेहमी वाटते. तुमच्या आयुष्यात बरेच चढउतार होतात. तुम्ही सतत कार्यमग्न असतात. तुम्हाला कला आणि प्रवास यांची आवड आहे. तुम्ही एक उत्तम सल्लागार आहात. प्रेम सहानुभूती आणि आदर हे तुमचे वैशिष्ट्य आहेत. उच्च दर्जाचे सुगंधित द्रव्य, दागिने, कपडे, वाहने, घरे यांच्या तुम्हाला आकर्षण असते. आर्थिक बाबतीत तुम्ही नशीबवान आहात मात्र तुमचा स्वभाव खर्चिक आहे. तुम्हाला प्राणी प्रिय असतात. तुम्ही अत्यंत बुद्धिमान, शास्त्राची आवड असणारे आणि व्यापारी वृत्तीचे आहात. हातातील कार्य सिद्धीस नेण्यासाठी तुम्ही पूर्वनियोजन करतात. तुम्हाला गूढ विद्यांची आवड आहे. तुमचा दृष्टिकोन विशाल असून तुमच्यामध्ये संयम आहे. तुमची इच्छा शक्ती दांडगी आहे. प्रत्येक विषयाचा तुम्ही सखोल अभ्यास करतात. तुमचे व्यक्तिमत्व प्रसन्न आणि उत्साही आहे. वृत्ती संशोधक आहे. जीवनाकडे बघण्याचा तुमचा दृष्टिकोन आशादायक आहे. तुम्हाला उत्तम भाषा चातुर्य आहे. तुमची विचारसरणी तर्कशुद्ध आणि विश्लेषण करण्याची वृत्ती सूक्ष्म आहे.

व्यवसाय:-  बौद्धिक, व्यवसाय, बँकिंग, सेल्स मॅनेजर, आयात निर्यात, पुस्तक विक्रेता, वृत्तपत्र व्यवसाय, इंटरियर डेकोरेटर, वकील, डिपार्टमेंट स्टोअर्स, डॉक्टर, केमिस्ट, तंत्रज्ञ.

शुभ दिवस:- रविवार, गुरुवार आणि शुक्रवार.

शुभ रंग:- पिवळा, सोनेरी, नारंगी आणि निळा.

शुभ रत्न:- माणिक, पाचू, मोती.

(रत्ने घेताना कुंडलीचा देखील उपयोग करा)

टीप: नावाप्रमाणेच तुमच्या राशी असतील असे नाही. अधिक माहितीसाठी आमच्या "राशीभाव" या फेसबुक पेजला भेट द्या.

मेष:-(चू,चे,चो,ला,ली,ले,लो,आ) दिवसाची सुरुवात फारशी अनुकूल नाही. मात्र अध्यात्मिक आणि धार्मिक कार्यासाठी शुभ कालावधी आहे. दुपारनंतर नोकरीच्या ठिकाणी अनुकूलता जाणवेल. स्थान लाभ होईल.
     
वृषभ:- (इ,उ,ए,ओ, वा,वी,वू,वे,वो) सकाळच्या सत्रात प्रतिकूल ग्रहमानाचा सामना करावा लागेल. कर्जाचे हप्ते फेडण्यासाठी तगादा लावला जाईल. खर्चात वाढ होईल. दुपार नंतर परिस्थिती सुधारेल. अनुकूल शनी अचानक कुठून तरी मदत पाठवीन.    

मिथुन:- (का,की,कु,घ,गं, छा,के,को,हा) सकाळच्या सत्रात महत्वाची कामे पूर्ण कर्णयचा प्रयत्न करा. अर्थात तेथे देखील फारशी अनुकूलता नाही. मन धार्मिक विचारांनी भरून जाईन. दशम शनी काही सुखद घटना घडवून आणेल.

कर्क:-(हु,हे,हो,डा,डी,डु,डे, डो) षष्ठ आणि सप्तम स्थानी चंद्र आहे. योग्य कारणासाठी खर्च होईल. तुमचा धार्मिक कार्याकडे ओढा असतो. आज त्यासाठी वेळ दयावा लागेल. दूरचे प्रवास घडतील.  
 
सिंह:- (मा,मी,मू,मे,मो,टा, टी, टू, टे) पंचम आणि षष्ठ स्थानी चंद्र आहे. आज गुरुची अनुकूलता कमी जाणवेल. खरेदी होईल. कर्जे मंजूर होतील. मात्र त्यास अधिक विलंब लागेल. नोकरीच्या ठिकाणी अचानक एखादा सुखद प्रसंग घडेल.
  
कन्या:- (टो, पा,पी,पू,षा णा,ठा,पे,पो) चतुर्थ चंद्राचा दशम गुरुशी प्रतियोग आहे. नोकरीत सावधानता बाळगल्यास अनेक चांगल्या संधी मिळतील. मोजके बोलणे हिताचे आहे. दूरच्या प्रवासाचे नियोजन होईल. आर्थिक कमतरता पडणार नाही.
 
तुळ:-(रा,री,रु,रे,तो,ता,ती,तू,ते) अनुकूल ग्रहमान आहे. तृतीय चंद्र सर्वार्थाने सौख्य आणि पराक्रम देईन. मोठे धाडस कराल. कुलदेवतेची कृपादृष्टी राहील. वास्तू किंवा जमीन खरेदीचे योग आहेत.   
  
वृश्चिक:- (तो,ना,नी,नू, ने,नो,या,यी,यु) सकाळी फारशी अनुकूलता नाही. बोलताना काळजी घ्या. शक्यतो कर्जे घेणे टाळा. तुमच्या निर्णयाचा पुनः अनेकदा विचार करा. उत्तराध थोडा अनुकूल आहे. एखाद्या नात्यातील व्यक्तीचे परदेश गमन होईल. 
 
धनु:-(ये,यो,भा,भी,भु,धा,फा,ढा,भे) आज सकाळी चंद्र तुमच्या राशीत आहे. मन आनंदी राहील. चटकदार भोजन करण्याची इच्छा निर्माण होईल. इतरांना देखील मेजवानीच आमंत्रण द्याल. उत्तरार्ध अचानक धनलाभाचा आहे. संपत्ती वाढेल. 
  
मकर:- (भो,जा,जी,खी, खु,खे,खो,गा,गी) दिवसाची सुरुवात फारशी चांगली नाही. काही कटू अनुभव येऊ शकतात. धर्म कार्य कराल. दानधर्म करण्यास अनुकूल केवढी आहे. उत्तरार्ध अनुकूल आहे. मनासारख्या घटना घडतील. 

कुंभ:- (गु,गे,गो,सा, सी,सु,से,सो,दा) दिवसाची सुरुवात चंद्राच्या अनुकूलतेने होणार आहे. या वेळात महत्वाची कामे पूर्ण करा. मुलांशी संवाद साधा. त्यांच्या अडचणी समजावून घ्या. उत्तरार्ध आणि नंतरचे दोन दिवस खर्च वाढवणारे आहेत. 
  
मीन:- (दी, दू, झा,ज्ञा,था, दे,दो, चा,ची) अनुकूल ग्रहमान आहे. आळस झटकून कामाला लागा. नोकरीत यश मिळेल. व्यवसायात वाढ होणार आहे. आत्मविश्वास वाढणार आहे. नैतिक कामे करतांना काळजी करू नका. यश तुमचेच आहे.  

- ज्योतिषी मंगेश पंचाक्षरी, नाशिक. 8087520521.

व्यवसाय, भागीदार, मित्र, जोडीदार, या तारखेला जन्मलेली व्यक्ती पती किंवा पत्नी म्हणून कशी असेल तसेच तुमचा स्वभाव, भाग्योदय, आजार, तुमची शक्तीस्थाने, कमतरता, शुभ रत्ने इत्यादी माहिती अगदी अल्प किमतीत जाणून घ्या. कुंडली परीक्षण करण्यासाठी कृपया संपर्क करा. - ज्योतिषी मंगेश पंचाक्षरी, नाशिक. 8087520521

व्यवसाय, भागीदार, मित्र, जोडीदार, या तारखेला जन्मलेली व्यक्ती पती किंवा पत्नी म्हणून कशी असेल तसेच तुमचा स्वभाव, भाग्योदय, आजार, तुमची शक्तीस्थाने, कमतरता, शुभ रत्ने इत्यादी माहिती अगदी अल्प किमतीत जाणून घ्या

कुंडली परीक्षण करण्यासाठी कृपया संपर्क करा. - ज्योतिषी मंगेश पंचाक्षरी, नाशिक. 8087520521