*माणूस आरोग्याकडे दुर्लक्ष करून पैशांच्या मागे धावतो….*आणि मग एक दिवस आरोग्यच पैसे मागू लागतं* : (Healer Anjali Jadhav, Thane)

आजच्या धावपळीच्या आयुष्यात बहुतेक जण फक्त पैशांसाठी धावत असतात.
जास्त काम, सततचा ताण, टार्गेट्स, जबाबदाऱ्या…
आरोग्य मात्र नेहमी “नंतर बघू” असंच राहून जातं.
ते नंतर कधी येतं माहीत आहे?
पदोन्नतीनंतर,
मुलं मोठी झाल्यावर,
निवृत्तीनंतर.
पण तेव्हाच कळतं—
जे आरोग्य आपण दुर्लक्षित केलं,
तेच परत मिळवण्यासाठी आता पैसे खर्च करावे लागतात.
तरुणपणी शरीर आपली साथ देतं.
उशिरा झोपलं तरी चालतं.
काहीही खाल्लं तरी काही होत नाही.
ताण असला तरी “मॅनेज” होतो.
आपल्याला वाटतं—
आपण मजबूत आहोत.
आपल्याकडे वेळ आहे.
पण शरीर सगळं लक्षात ठेवत असतं.
आपण गाडीचे AMC करतो. 
एसी चे सर्व्हिसिंग वेळेवर करतो, 
घराची काळजी  म्हणून पेस्ट कंट्रोल करतो.
पण स्वतःच्या शरीरासाठी?
ना नियमित हेल्थ चेकअप,
ना रोजच्या छोट्या सवयींमध्ये गुंतवणूक.
शरीरही मशीनच आहे ना?
मग त्यालाही वेळोवेळी देखभाल हवी असते,
फक्त बिघडल्यानंतर दुरुस्ती नाही.
पैसे हॉस्पिटल, डॉक्टर, उपचार देऊ शकतात.
पण शांत झोप, हलकं मन, समाधान
हे पैसे देऊन मिळत नाही.
आरोग्य ही नंतर विकत घ्यायची गोष्ट नाही.
ती रोज जपायची गोष्ट आहे.
तरुण वयात रोज किमान २ तास स्वतःसाठी काढणं
ही चैन नाही—
ही शहाणपणाची निवड आहे.
यासाठी महागड्या जिमची गरज नाही.
थोडा व्यायाम,
दीर्घ श्वसन,
सजग आहार,
मन मोकळं करणं,
हसू, शांतता, विश्रांती—
इतकंच पुरेसं आहे.
ही रोजची सवय— पुढचा मोठा आजार टाळू शकते,
खर्च कमी करू शकते,
आणि आयुष्य आनंदी करू शकते.
आरोग्य हा खर्च नाही.
तो सगळ्यात मोठा ठेवा आहे.
निरोगी माणूस पैसा उपभोगतो.
आजारी माणूस फक्त तो सांभाळतो.
एक छोटी आठवण—
आजार झाल्यावर स्वतःकडे लक्ष देऊ नका.
डायग्नोसिस झाल्यावर जागे होऊ नका.
आत्ताच सुरुवात करा.
दररोज स्वतःसाठी २ तास ठेवा.
आणि यातला 1 तास भावनिक आरोग्यासाठी राखून ठेवा. लक्षात ठेवा त्रास, अडचणी हा प्रत्येकाच्या आयुष्याचा भाग आहे परंतु त्याचा आपल्या आरोग्यावर परिणाम होऊ नये यासाठी आपले मानसिक आरोग्य कणखर असणे खूप गरजेचे आहे. 

 नेहमी लक्षात ठेवा की आरोग्य जपायची योग्य वेळ
ते हरवल्यावर नाही—
ते असतानाच असते 
(Heal with Anjali)