असा असेल तुमचा आजचा दिवस  :  राशिभविष्य मंगळवार, १४ ऑक्टोबर २०२५
 अश्विन कृष्ण अष्टमी विश्वावसुनाम संवत्सर, शके १९४७, संवत २०८१
 राशिभविष्य – ज्योतिषी मंगेश पंचाक्षरी, नाशिक
 (संपर्क – 8087520521)

राहुकाळ – दुपारी ३.०० ते ४.३०
दिशाशूल – उत्तर दिशा
चंद्र राशी – कर्क
नक्षत्र – पुष्य

१४ ऑक्टोबर रोजी जन्मलेल्या व्यक्तींची वैशिष्ट्ये:-

     तुमच्यावर बुध आणि शुक्र या ग्रहांचा प्रभाव आहे. तुम्ही दिसायला देखणे असून लोकप्रिय असतात. इतरांना 'न' दुखवण्याचा स्वभाव असतो. फारशी बडबड केलेली तुम्हाला आवडत नाही. हातचे राखून बोलतात आणि वागतात. तुम्ही चाणाक्ष असून निरीक्षण शक्ती चांगली असते. तुम्हाला अंतर्गत आवाजाची देणगी असते. तुम्ही स्वतः कलाकार असून कला प्रिय देखील आहात. मनाने तुम्ही उदार आणि विचारी असून इतरांची कदर करतात. तुमच्या सानिध्यात आल्यास इतरांना आनंद होतो. तुमचे वागणे आणि बोलणे मोहक आणि आकर्षक आहे. तुम्ही समजूतदार असून विविध खेळांमध्ये यश मिळते. इतरांचे कच्चे दुवे तुम्ही बरोबर हेरतात. स्वतःचे विचार दुसऱ्याला समजून सांगायची तुम्हाला बरीच हौस असते. तुमचे उद्दिष्ट ठाम असते आणि त्या दिशेने तुम्ही मार्गक्रमण करतात. अत्यंत उच्च प्रतीचे कपडे, वाहने, घरे, दाग दागिने आणि सुगंध द्रव्य तुम्ही वापरत असतात. विविध समारंभांमध्ये भाग घेणे आणि समाजात मिसळणे तुम्हाला आवडते. आयुष्याकडे बघण्याचा तुमचा दृष्टिकोन विशाल आणि संयमी आहे. इतरांना मदत करणे तुम्हाला मनापासून आवडते. धर्म आणि तत्वज्ञान तसेच प्रवास याची तुम्हाला आवड आहे. स्वतःच्या व्यवसायात यश मिळते. स्त्रिया सुखी वैवाहिक जीवन अनुभवतात. मात्र प्रसूतीत त्रास संभवतो. श्रीमंत व्यक्तीशी विवाह होतो. गूढ विद्यांची आवड असते. भावनांवर ताबा ठेवण्याची कला अवगत असते. 

व्यवसाय:-  अकाउंट, बँकिंग, दळणवळण, वाहन विक्री, इलेक्ट्रॉनिक्स, दागिने विक्री, कपडे, कॉस्मेटिक्स.

शुभ दिवस:- बुधवार, शुक्रवार, शनिवार.

शुभ रंग:- पांढरा, निळा, हिरवा.

शुभ रत्न:- पाचू, हिरा, मोती.

(रत्ने घेताना कुंडलीचा देखील उपयोग करा)

 मेष:
आज कामात प्रगती होईल. आत्मविश्वास वाढेल. आर्थिक स्थितीत सुधारणा संभवते. मित्रपरिवारात आदर वाढेल. प्रवास यशस्वी ठरेल.

 वृषभ:
घरातील वातावरण आनंददायी राहील. जोडीदारासोबत गोडवा वाढेल. पण खर्चावर नियंत्रण आवश्यक आहे. महत्वाचे निर्णय पुढे ढकलावेत.

 मिथुन:
कामातील ताण वाढू शकतो. वरिष्ठांशी गैरसमज होऊ नये म्हणून शब्द विचारपूर्वक वापरा. सायंकाळी समाधानकारक घटना घडतील.

 कर्क:
चंद्र आपल्या राशीत असल्याने आत्मबल वृद्धिंगत होईल. मानसिक स्थैर्य लाभेल. व्यवसायात नवीन संधी मिळू शकतात. कौटुंबिक कार्यात भाग्याची साथ राहील.

 सिंह:
गुप्त शत्रूंचा त्रास संभवतो. आरोग्याच्या किरकोळ तक्रारींना दुर्लक्ष करू नका. परिश्रमाने मिळवलेले यश टिकवून ठेवा.

 कन्या:
सहकारी व मित्रांकडून सहकार्य मिळेल. नवे संपर्क उपयोगी ठरतील. विद्यार्थ्यांना अभ्यासात चांगले यश मिळेल. सायंकाळी आनंदाचा प्रसंग.

 तुळ:
कामात स्थिरता येईल. पदोन्नतीची शक्यता. वरिष्ठांचा विश्वास संपादन होईल. वडिलांचे मार्गदर्शन उपयोगी ठरेल.

 वृश्चिक:
प्रवास शुभ ठरेल. शिक्षण, परदेश, किंवा धार्मिक विषयात प्रगती संभवते. परंतु भावनांवर नियंत्रण आवश्यक आहे.

 धनु:
अचानक खर्च वाढेल. आर्थिक विषयात काळजी घ्या. आरोग्याकडे लक्ष द्या. मनात अस्वस्थता वाढू शकते. ध्यान साधनेचा लाभ होईल.

 मकर:
व्यवसायिकांना आज चांगली संधी मिळेल. भागीदारीतून फायदा. जोडीदाराकडून प्रोत्साहन मिळेल. विवाहयोग्यांना प्रस्ताव येण्याची शक्यता.

 कुंभ:
कामकाजात गती येईल. जुन्या योजनांना चालना मिळेल. पण थकवा जाणवेल. आरोग्याच्या बाबतीत काळजी घ्या.

मीन:
संतानाकडून आनंदवार्ता मिळेल. कला, सर्जनशीलता आणि प्रणय यांना वाव मिळेल. लॉटरी, शेअर्स किंवा गुंतवणुकीत लाभ संभवतो.

 "मन शांत असेल तर ग्रहही अनुकूल होतात."
 शुभ रंग: पांढरा, रुपेरी
 शुभ अंक: २

ज्योतिषाचार्य मंगेश पंचाक्षरी, नाशिक. 8087520521