जलिंदर जाधकर : दुष्काळी भागात अवोकॅडो शेतीतून करोडपती झालेला शेतकरी

टाटा मोटर्ससारख्या मोठ्या कंपनीत नोकरी करणारे जलिंदर जाधकर यांनी 2020 मध्ये स्वेच्छानिवृत्ती घेतली. त्यानंतर त्यांनी पारंपरिक शेती न करता काहीतरी वेगळं करण्याचा निर्णय घेतला. सोलापूरच्या कुरदुवाडी सारख्या दुष्काळी भागात शेती करणं किती कठीण आहे, हे त्यांना चांगलं ठाऊक होतं. तरीही त्यांनी अवोकॅडो लागवड करण्याचा धाडसी निर्णय घेतला.

भारतामध्ये अवोकॅडो लागवड करणारे शेतकरी अगदी थोडे आहेत, परंतु या फळाची मागणी झपाट्याने वाढत होती. हे ओळखून जाधकर यांनी प्रत्येकी एका एकरात १०० ‘अर्का सुप्रीम’ (भारतीय वाण) आणि १०० ‘मेक्सिकन हॅस’ झाडांची लागवड केली.

पहिल्याच वर्षी त्यांच्या शेतीने भरघोस उत्पन्न दिलं.

• ‘अर्का सुप्रीम’ वाणाच्या झाडांवर प्रत्येकी ११० किलोपर्यंत फळ लागलं आणि स्थानिक बाजारात ते १०० रुपये किलो दराने विकले गेले. यामुळे तब्बल ११ लाख रुपयांची कमाई झाली.

• ‘मेक्सिकन हॅस’ वाणाच्या झाडांवर प्रत्येकी ८० किलो उत्पादन आलं, आणि वाशी मार्केटमध्ये ते २०० रुपये किलो दराने विकले गेले. फक्त एका एकरातून जवळपास १६ लाख रुपयांचा महसूल मिळाला.

याप्रमाणे केवळ एका एकरातून २७ लाखांची उलाढाल झाली. खर्च वजा करता (शेणखत, वर्मी कम्पोस्ट, कोंबडी खत, सिंचन आणि मजुरी – सुमारे २ लाख) निव्वळ नफा २४ लाख रुपये प्रति एकर इतका झाला!

सोलापूरच्या तीव्र उन्हाळ्यात अवोकॅडो टिकावं यासाठी जाधकर यांनी अवोकॅडोच्या झाडांमध्ये १०० महोगनीची झाडं लावली. यामुळे झाडांना सावली मिळाली, मातीची सुपीकता वाढली, धूप कमी झाला आणि गळणाऱ्या पानांमुळे नैसर्गिक मल्चिंगही झालं.

आज जाधकर यांचा हा प्रवास संपूर्ण महाराष्ट्रासाठी प्रेरणादायी ठरला आहे. त्यांनी सिद्ध केलं की —
 योग्य पिकांची निवड, स्मार्ट शेती तंत्रज्ञान आणि धाडस असेल तर शेतकरी गरीब नसतो, तो करोडपतीही होऊ शकतो.