.               *--II ● विवेक विचार ● II--*

*सातत्यपूर्ण संकल्पाचा अखंडित ३४१४ वा दिवस*     

*क्वचिद्रुदन्त्यच्युतचिन्तया क्वचिद् वसन्ति नन्दन्ति वदन्त्यलौकिकाः ।*
*नृत्यन्ति गायन्त्यनुशीलयन्त्यजम् भवन्ति तूष्णीं परमेत्य निर्वृताः ।।* *(श्रीमद्भागवत पुराण स्कंध ११ अध्याय ३ श्लोक ३२)*
        भगवंताचे चिंतन करीत करीत त्याच्या विरहाने कुणी अक्षरशः रडतात, त्याच्या लिलांचे स्मरण करुन कुणी आनंदाने हर्षोल्हाीत होतात, कुणी प्रेमाने गातात, कुणी नाचतात, कुणीकुणी कितीतरी आश्चार्यावह गोष्टी बोलतात; काही एकदम शांत वा मौन होतात. पण सारेजण त्या एका भगवंतांच्या प्राप्तीचे अत्यंत तृप्त आणि परमानंदात लीन होऊन जातात. धर्माचार्य धर्माचा 'प्रचार' करीत असतात, परंतु येशू, महंमद, बुद्ध, नानक, रामकृष्ण यांच्यासारखे ईश्वरावतार धर्म 'प्रदान' करू शकत असतात. त्यांचा एक नुसता कटाक्ष किंवा स्पर्श देखील पुरेसा आहे. तेवढ्यानेच ते दुसऱ्यात धर्मशक्ती संचारित करु शकतात. ख्रिस्तीधर्मात ह्यालाच त्रिमूर्तीतील पवित्र आत्म्याची Holy Ghost ची शक्ती म्हटले आहे.
                             *स्वामी विवेकानंद...*                        
*●आपला दिवस आनंदमय, मंगलमय होवो●*
*★ भारतीय सौर अश्विन इषमास १३ शके १९४८*
★ भाद्रपद वद्य /कृष्ण १०
★ शालिवाहन शके १९४८
★ शिवशक ३५१
★ युधिष्ठिर शके युगाब्द ५१२७
★ विक्रम (रौद्र) संवत्सर २०८३
★ सोमवार दि. ५ ऑक्टोबर २०२६ 
★ पितृपक्ष - दशमी श्राध्द                                                                                                                  
★ १९२२ जेष्ठ पत्रकार, लेखक, चरित्रकार, 'साधना' मासिकाचे संपादक, समाजसेवक यदुनाथ दत्तात्रय थत्ते यांचा जन्मदिन.
★ १९५५ भारताच्या औद्योगिक विकासात महत्वाचे स्थान असलेल्या 'हिंदुस्थान मशिन टूल्स' कारखान्याचे उद्घाटन पंतप्रधान पंडित जवाहरलाल नेहरू यांच्या हस्ते झाले.
★ १९९१ स्वातंत्र्यसैनिक, इंडियन एक्स्प्रेस वृत्तपत्र समूहाचे संस्थापक रामनाथ गोएंका यांचा स्मृतिदिन.
*संकलन - प्रा. अमोल श्रीकृष्ण अहिरे, नाशिक*