अनेक लोकांचा दिवस चहाच्या कपाने आनंदाने सुरू होतो. चहा ताजेतवाने करतो आणि मन प्रसन्न ठेवतो. मात्र चहासोबत योग्य अन्नपदार्थांची निवड केल्यास त्याचे फायदे अधिक वाढू शकतात आणि पचनसंस्थाही निरोगी राहू शकते.
तज्ञांच्या मते, चहा किंवा कॉफी पिताना हलके, पौष्टिक आणि पचायला सोपे पदार्थ निवडल्यास गॅस, अॅसिडिटी आणि पोषणतत्त्वांची कमतरता टाळता येऊ शकते.
चहासोबत तळलेले पदार्थ खाण्याऐवजी भाजलेले चणे, मुरमुरे, भाजीपाला सँडविच किंवा उकडलेली डाळ यांसारखे हलके पर्याय निवडल्यास पचन सुधारते आणि शरीर हलके वाटते. अशा पदार्थांमुळे ऊर्जा मिळते आणि अॅसिडिटीचा त्रासही होत नाही.
लोहयुक्त अन्न शरीरासाठी अत्यंत महत्त्वाचे आहे. त्यामुळे हिरव्या पालेभाज्या, कडधान्ये, डाळी आणि सुकामेवा हे पदार्थ चहा किंवा कॉफी घेतल्यानंतर थोड्या वेळाने खाणे अधिक फायदेशीर ठरते. यामुळे शरीराला लोह नीट शोषता येते आणि रक्तातील हिमोग्लोबिन टिकून राहण्यास मदत होते.
दही हे पचनासाठी आणि आतड्यांच्या आरोग्यासाठी खूप उपयुक्त आहे. ते चहा किंवा कॉफीपासून वेगळ्या वेळेला घेतल्यास त्याचे फायदे अधिक मिळतात. यामुळे पचन सुधारते आणि पोटाशी संबंधित त्रास टाळता येतो.
बिस्किटांऐवजी चहासोबत सुकामेवा, ओट्स कुकीज, मल्टीग्रेन टोस्ट किंवा फळे खाल्ल्यास शरीराला आवश्यक पोषण मिळते. रक्तातील साखरेची पातळीही संतुलित राहते, विशेषतः मधुमेह असलेल्या व्यक्तींना याचा फायदा होतो.
चहा हा आरोग्यदायी पेय आहे, फक्त त्यासोबत योग्य पदार्थांची निवड केली तर तो आरोग्य अधिक सुधारू शकतो. लहान बदल करून आपण आपल्या रोजच्या सवयी अधिक पोषणमूल्यपूर्ण आणि लाभदायक बनवू शकतो
या लेखातील माहिती ही सामान्य आरोग्यविषयक माहिती व जनजागृतीसाठी दिली आहे. ही माहिती कोणत्याही प्रकारचा वैद्यकीय सल्ला नाही. मधुमेह, लठ्ठपणा किंवा इतर दीर्घकालीन आजार असलेल्या व्यक्तींनी मनुके नियमित सेवन करण्यापूर्वी तज्ञ डॉक्टर किंवा आहारतज्ज्ञांचा सल्ला घ्यावा.
तंत्रज्ञानाच्या युगात पत्रकारितेचे महत्त्व
बदलत्या हवामानाचे आपल्यावर परिणाम
बदलत्या हवामानाचे आपल्यावर परिणाम
